ڕێبرى گووتى کۆتایى ژیانى وەرزشیم لێرە بۆچى نا؟!

ئەو یاریزانە کە نزیک بوو لە هاوینى ٢٠١٠ یانە ئەڵمانیەکە جێبهێڵێت گووتیشى : من لێرە بەختەوەرم هەروەکو خێزانەکەشم بەختەوەرە وا هەست دەکەم کوڕى ئەو یانەیەم، لەگەڵ (ڤان گال) ڕاهێنەرى پێشوو نێوانیمان باش نەبوو بەڵام لەگەڵ هێنکسى ڕاهێنەرى نوێدا پەیوەندیەکى بەهێزو و باشمان هەیە.

جێگەى ئاماژە بۆ کردنە یانەى بایرن لە وەرزى ئەمساڵدا ئاستێکى نایاب پێسکەش دەکات و چەند بردنەوەیەکى لەسەرى یەکى تۆمارکردووە لە کۆى ١٠ یارییشدا تەنها گۆڵێکى لێ تۆمارکراوە.

(مەڕوان ئەفیلاى) کە لە مەشقەکانى ڕۆژى پێنج شەممەى ڕابردوو توشى پێکان هات و ڕەنگە تا کۆتایى ئەم وەرزە لە یاریگاکان دوور بکەوێتەوەو نەتوانێت لە هیچ یارییەک بەشداربێت

ڕاهێنەرى ئەو یاریزانە لە دیمانەیەکى ڕؤژنامەوانیدا گووتى: ئەوە یەکەمین پێکانى درێژخایەنە تووشى ئەفیلاى ببێ، ئێمە نیازى کڕینى جێگرەوەى ئەو یاریزانەمان نیە چونکە شەش مانگ زوو بە کۆتا دێت.

جێگەى ئاماژە بۆ کردنە یانەى بەرشلۆنە ئەمساڵ تووشى پێکانى چەند یاریزانێک بۆتەوە لەسەروى هەمویشیانەوە ئەلێکسس سانچێژ و ئینێستا کە ئەوەى یەکەمیان زیاتر لە ٨ هەفتە لە یاریگاکان دوورکەوتۆتەوە.

“مۆورینۆ لێپرسراویەتییەکی مەزنی لە ئەستۆ گرتووە کاتێک بووەتە ڕاهێنەری ڕیاڵ مەدرید و هەر لەبەر ئەوەشە کە ئەو ئامانجی زۆر بەرزی لەسەر ئەو تیمە هەڵچنیوە.”

لە کۆتایییشدا جارێکی دیکە پێداگەریی کردەوە و گوتی:” ئێمە باشترین ڕاهێنەر و باشترین یاریزانانمان هەیە. هیچ گومانێکم نییە کە ئەم ڕاهێنەر و یاریزانانە هەموومان زۆر دڵخۆش دەکەن.”

لە دوایین یاری ئەمشەوی خولی لیگای ئیسپانی دا و لە یاری لوتکەدا یانەی ئەتلەتیکۆ مەدرید لە یاریگای کامپ نو بووە میوانی یانەی بەرشەلۆنەی هەڵگری نازناوی پێشوو و لەئەنجام دا  یانەی بەرشەلۆنە بەئەنجامی ٥ گۆڵی بێبەرامبەر یارییەکەی بردەوە .

پێش دەستپێکردنی یاریەکە ئەبیدالی بەرگریکاری بەرشەلۆنە وەک پیشەی زۆر جاری بەخوێندنەوەی ئایەتەکانی قورئانی پیرۆز سەرنجی کامێراکانی بەلای خۆی دا ڕاکێشا.
سەرەتای یاریەکە هەردوولا تاڕادەیەک بەهاوسەنگی یاریان کرد بەڵام تیاگۆی پورتوگالی لەخولەکی ٤دا لێدانێ بەهێزی ئاڕاستەی تۆڕی ڤاڵدێز کرد و ستونی سەرەوەی گۆڵ تۆپەکەی تیاگۆی گەڕاندەوە، بەڵام پاش ٤ خولەک دەیڤد ڤیا پاش هەڵدانێکی جوان لەناوەندی یاریگاوە بۆی توانی گۆڵێکی جوان بۆ بەرشەلۆنە تۆمار بکات.
خولەکی ١٢ی یاریەکە نزیک بوو لەوەی گۆڵێکی دیکە بۆ بەرشەلۆنە بەخۆوە ببینێت لەلایەن پیدرۆ ڕۆدریگێزەوە ،پاشان بەرشەلۆنە بەردەوام بوو لە هێرشە مەترسیدارەکانی و لە خولەکی ١٥دا گۆڵی دوەمیان تۆمار کرد بەڵام هیچ یاریزانێکی بەرشە خاوەنی گۆڵەکە نەبوو بەڵکو بەرگریکاری یانەی میوان میراندا بەهەڵە تۆپەکەی هاویشتە گۆڵی خۆیان پاش ئەوەی میسی نزیک بوو لەوەی ئەو گۆڵە تۆمار بکات.
بەرشەلۆنە یەک گۆڵی دەکرد لە ناوچەی ئەتلەتیکۆمەدریددا و بەو هۆیەوەخولەکی ٢٥ یاریەکە گۆڵی سێهەمی بۆ بەرشەلۆنە بەخۆوە بینی لەلایەن لیۆ میسی ئەستێرەی بەرشەلۆنەوە پاش ئەوەی بەشێوەیەکی جوان بەرگریکارانی دەستە چەپی مەدریدیەکانی بڕی ، لە خولەکی ٤٠دا فابریگاس بەلێدانێکی جوان لەدەرەوەی هێڵی سزاوە بەرپەرچی لێدانە جوانەکەی تیاگۆی دایەوە کە ئاڕاستەی گۆڵی یانە مەدریدیەکەی کرد بەڵام بەهەمان شێوە ستونی سەرەوەی گۆڵ ڕێگربوو  لەبەردەم گۆڵی چوارەمی بەرشەلۆنە.
گێمی یەکەم بە سێ گۆڵی بێبەرامبەر لە ژێر بارانێکی بەلێزمەی پایزیدا بۆ بەرشەلۆنە کۆتای هات.
لەسەرەتای گێمی دوەمدا هەردوو یانە چەند هێرشیان ئاڵو گۆڕ کرد بەڵام گۆڵی لێنەکەوتەوە، بەرشەلۆنە پاش ئەوە بەردەوام بوو لە کۆنتڕۆڵی یاریگا و ئەوبوو لە خولەکی ٥٣دا میسی گۆڵێکی ڕاستەقینەی لەدەست دا، خولەکی ٦٠ یاریەکەش فاڵکاو نزیک بویەوە لە تۆڕی بەرشەلۆنە و نزیک بوو لەوەی بە سەر گۆڵی شەرەفی یانەکە تۆمار بکات بەڵام سەرکەوتوونەبوو.
لەهێرشێکی ڕێک و پێکی دیکەدا بۆ بەرشەلۆنە و لە خولەکی ٦٦دا ڤیا نەیتوانی ژمارەی گۆڵەکانی بەرشەلۆنە بکاتە چوار گۆڵ کاتێک تاڕەدەیەک  بەتەنها ڕوبەڕووی گۆڵپارێزی ئەتلەتیکۆ بویەوە و لەدوای ئەو هەلە لەدەست چوەوە یانەی بەرشەلۆنە سەرەڕای ئەوەی کۆنتڕۆڵی یاریگای کردبوو بەردەوامیش بوو لەلەدەستدانی هەلی گۆڵ تۆمارکردن ،بەڵام لەخولەکی ٧٨ دا میسی ئەو کۆتەی شکاند و بەشێوەیەکی مارەدۆناییانە گۆڵی چوارەمی بۆ بەرشە تۆمار کرد لە دواین خولەکی یاریەکەشدا میسی جارێکی دیکە تۆڕی گۆڵی ئەتلەتیکۆی هەژاند و هاتریکی خۆی تۆمار کرد.
لەکاتێکدا لەخولەکی ٨٣دا یانەی بەرشەلۆنە دەیانویست گۆڵی پێنجەم تۆمار بکەن یاریزانانی میوان هێرشێکی هەڵگەڕاوەی مەترسیداریان بردە سەر تۆڕی بەرشەلۆنە بەڵام نەیانتوانی گۆڵی پێتۆمار بکەن.
بەو جۆرەو بەئەنجامی 5 گۆڵی بێبەرامبەر گێمی دوەمی یارییەکە کۆتایی هات.

به‌ پێی هه‌واڵێكی Daily Mirror پێده‌چیت هه‌ریه‌که‌ له‌یاریزانان فان پێرسی و ئارشافین و سیۆ ووڵکۆت و فێرمالین له‌ وه‌رزی داهاتوودا یانه‌ی ئه‌رسیناڵ به‌جێ بهێڵن .

له‌ هه‌ڵبژاردنێکی ئازاد دا یانه‌ی به‌رشه‌لۆنه‌ هه‌ستان به‌ خستنه‌ ده‌نگدانی دانانی لۆگۆی قه‌ته‌ر فاونده‌یشن له‌سه‌ر درێسی یانه‌که‌ و ڕیکلام کردن بۆ ئه‌م ڕێکخراوه‌ ، وه‌ له‌ئه‌نجامی ده‌نگدانه‌که‌دا 697 ئه‌ندام به‌ به‌ڵێ و 36 ئه‌ندامیش به‌ده‌نگی به‌تاڵ و 76 ئه‌ندامی نه‌خێر له‌سه‌ر ڕێکه‌وتن نامه‌که‌  ڕێك که‌وتن.

به‌م شێوه‌یه‌ش یانه‌ی به‌رشه‌لۆنه‌ هه‌ڵده‌ستێت به‌ مۆرکردنی بۆندێك له‌ گه‌ڵ ڕێك خراوه‌که‌دا بۆ ماوه‌ی 5 ساڵ به‌دانانی لۆگۆی رێكخراوه‌که‌ له‌سه‌ر سنگی درێسی یانه‌که‌ ، به‌م بۆنه‌یه‌شه‌وه‌ یانه‌ی به‌رشه‌لۆنه‌ له‌ ماوه‌ی شه‌ش ساڵدا بڕی 166 ملیۆن یۆرۆ سود مه‌ند ده‌بێت و ئه‌م بڕه‌ش بۆ 177 ملیۆن به‌رز ده‌بێته‌وه‌ ئه‌گه‌ر هاتوو یانه‌که‌ له‌ میانه‌ی یاریه‌کانی چامپیۆن لیگدا ئه‌نجامی باشی به‌ده‌ست هێنا.

له‌ ئێستادا یانه‌ی به‌رشه‌لۆنه‌ بڕی 15 ملیۆنی له‌ رێكخراوه‌که‌ وه‌رگرتووه‌ و بڕه‌ی پاره‌کانی تریش به‌ شێوه‌ی به‌ش به‌شبه‌یانه‌که‌ ده‌درێت

لەسەرەتای یارییەکەوە یاریزانانی ڕیاڵ مەدرید بە هۆی یاریەکانی پێشووتریانەوە پەشۆکاویان لێبەدی دەکراو و بەو هۆیەوە یانەی ڤالیکانۆی تازە سەرکەوتوو بۆ ڕیزی یانە پلە یەکەکانی ئیسپانیا توانیان بەهۆی هەڵەیەکی لاسانا دیاراوە لە ڕێگەی میگوێل پێرێز و لەخولەکی ١ دا گۆڵی پێشکەوتنیان تۆمار بکەن.
پاش ئەو گۆڵە یانەی ڕیاڵ مەدرید چەند هەوڵێکی بێ سوودی دا بۆ تۆمار کردنەوەی گۆڵ بەڵام یانەی میوان بەچەندین هێرشی هەڵگەراوەی ترسناک بەرپەرچی یانەکەی مۆرینهۆی دایەوە بەتایبەت لە ڕێگەی حەسەن بۆنگۆراوە.
پاشان مۆرینهۆ کە زانی مەترسی زیاتری لەسەرە لە نیوەی گێمی یەکەمەوە لاسانا دیارای هێنای دەرەوەی یاریگا و ئۆزێلی بەژداری پێکرد کەئەم گۆڕانکاریە تاڕادەیەک پارسەنگی بۆ ڕیاڵ گێڕایەوە ئەوەبوو ڕیاڵ مەدرید لە ڕێگەی ڕۆناڵدۆوە گۆڵی بەرامبەریان لە خولەکی ٣٨دا تۆمار کرد و پاشئەوەش تا کۆتای گێمەکە دەستیان گرتبوو بەسەر یاریگادا و لە دواین خولەکیشدا هیگواین گۆڵی دووەمی ڕیاڵ مەدرید تۆمار کرد.
لە گێمی دووەمیشدا بەهەمان شێوەی گێمی یەکەم سەرەتا یانەی میوان بەهێرش دەستیان بەیاری کرد بەڵام لە خولەکی ٤٩دا بەهۆی ئەوەی بەرگریکارێکی یانەی ڤالیکانۆ لە هێرشێکی هەڵگەراوەی یانەی شاهانەی دا کاکای لە هێڵی سزای خۆیان خستە سەرزەوی لێدانی سزا بۆ ڕیاڵ مەدرید دروست بوو و ڕۆناڵدۆ بەهێزێکی زۆرەوە لێیدا و گۆڵی سێهەمی یانەکەی پێتۆمار کرد.
پاش ٥ خولەک یانەی ڤالیکانۆ لەڕێگەی میگێلەوە گۆڵی دوەمیان تۆمار کرد و خولەکی ٥٦ی یاریەکەش ئەنخێل دی ماریا لە یانەی ڕیاڵ مەدرید بەکارتی سوور کرایە دەرەوە و یانەی ڤالیکانۆ ناوەندی یاریگایان بۆ ئاسان بوو بە جۆرێک هەستت دەکرد لە یاریگای خۆیان یاری دەکەن.
بەڵام ئەوە زیاتر لە ١٠ خولەکی نەخایاند و خولەکی ٦٦ی یاریەکە بەرگریکاری لاوی ڕیاڵ مەدرید ڕافائیل ڤارانی فەڕەنسی جارێکی تر تۆڕی گۆڵی ڤالیکانۆی هەژاند و یەکەمین گۆڵی خۆی بۆ یانەکەی تۆمار کرد کە چوارەمین گۆڵی ڕیاڵ مەدرید بوو لە خولەکی ٧٣دا کەریم بن زیمە گۆڵی پێنجەمی یانە بەرگ سپیەکەی مەدریدی تۆمار کرد و لەخولەکی ٨٢دا ڕۆناڵدۆ پاش ئەوەی لەلایەن گٶڵپارێزی یانەی میوانەوە خرایە سەر زەوی لێدانی سزای بۆ دروست بوو وە توانی بەسەر کەوتووی جێبەجێی بکات و هاتریکی خۆی و گۆڵی شەشەمی یانەکەی تۆمار بکات و یاریەکەش بەو ئەنجامە کۆتاییی هات.

هەڵبژاردەی ئیسپانی پاڵەوانی جیهان دوای مانگێک لە دابەزین بۆ پلەی دووەم ، گەڕایەوە پلەی یەکەمی ڕیزبەندی .  ئیسپانیا لەم مانگەدا لە یارییەکی دۆستانەدا ٣-٢ سەرکەوت بەسەر چیلی و  وە ٦-٠ لیشنیشتانی تێکشکاند لە پاڵاوتنەکانی جامی نەتەوەکانی ئەوروپا.

هۆڵەندا دوای مانگێک  گەڕایەوە پلەی دووەم ، هەرچەندە لەو مانگەدا ١١-٠  شکستیان بە سان مارینۆ هێنا و وە ٢-٠ لە فنلەندایان بردەوە  بەڵام ئەمە بە فریایان نەکەوت و لە پلەی یەکەم نەیهێشتنەوە  بەهۆی ئەو سیستە ئاڵۆزەی فیفا دایڕشتووە بۆ ڕیزبەندی هەڵبژاردەکان.

ئەڵمانیا لە سێیەم مایەوە و ئۆرۆگوای پاڵەوانی کۆپا ئەمێریکا سەرکەوت بۆ پلەی چوارەم دوای بردنەوەی لە ئۆکرانیا بە ئەنجامی ٣-٢.

لە کۆتاییدا پرتوگالی پاداشتنی ئەنجامە باشەکانی وەرگرت و بەیەکجار  سێ پلە هاتە پێشەوە و لە پلەی پێنجەم دێت .  پرتوگال بە سەرکردایەتی ڕاهێنەر پینتۆ چەند مانگێکە توشی هیچ شکستێک نەهاتووە و لە ئاستێکی نایابدایە . ئیتاڵیاش لەگەڵ باشتربوونی ئاستیدا پلەیەک هاتۆتە سەرەوە و لە شەشەمدایە.

هەڵبژاردەی بەڕازیل دوای ١٨ ساڵ بۆ یەکەمجار دابەزییە پلەی حەوتەم و باجی دابەزینی ئاستیدا دوای بەرامبەربوونی لەگەڵ ئەرژەنتین و  بردنەوەیەکی زەحمەت لە غانا بە ئەنجامی ١-٠.

ئینگلتەرا گەورەترین قوربانی ئەم ڕیزبەندییەوە و چوار پلە گەڕاوەتەوە دواوە و لە پلەی هەشتەم دێت.

چاڤی یەکێکە لە باشترین یاریزانەکانی هێڵی ناوەڕاست لەسەر ئاستی جیهان وە توانی لە ماوەی ڕابردوو یارمەتی یانەی کاتالۆنی بدات بۆ بەدەست هێنانی شەش نازناو.

بەر لە گەیشتنی فابرێگاس بۆ کامپ نو ئەوا وا باس دەکرا کەوا سیسک دەبێـتە یاریزانێکی سەرەکی لە جیاتی چاڤی کەچی ئێستا وا بە دی دەکرێت کەوا بە یەکەوە کارێکی زۆر باش ئەنجام دەدەن.

چەندین شتی بچووک ماون کەوا چاڤی ماوە فێری ببێت لە تۆپی پێ،چاڤی پێی وایە کەوا بە هاتنی فابرێگاس ئەوا ئاستی ئەوی بۆ قۆناغێکی تر بردووە.

چافی ڕوونی کردەوە :

“ئێمە زۆر دڵخۆشین لەسەر یاریگا بە یەکەوە،پێم وایە زۆر بە باشی یەکتر تەواو دەکەین،کاتێک ئەو دەچێتە پێشەوە ئەوا من لە دواوە دەمێنمەوە یان بەرگری لێ دەکەم لە پێشەوە و بە پێچەوانەش ئەویش وا دەکات،ئەم شتەمان لە چەند یاری ڕابردوو پێشکەش کرد،پێم وایە سیسک ئاستی من بەرەو پێش دەبات”